Новости

Сæ куыст – раппæлинаг

IMG 0940

Октябрыхъæуы сæйрагдæр уынгтæй иу хæссы Тедеты Павелы ном. Уый цæуы райцентры тæккæ астæуты. Ацы бынаты уынджы асфальт скæлдтытæ, нал бæззы, ногæй аразинаг рагæй уыд. Цы бордюртæ æвæрд дзы уыд, уыдон дæр ныззылынтæ, базæронд сты æмæ æвидыц кодтой уынг.

Фæндаджы ацы дæрдзæг ныртæккæ аразы нæ республикæйы æнæххæст бæрнондзинады æхсæнад (ООО) «Дорстрой», йæ разамонæг у Бирæгъты Ростик.
Аразджытæ уал фыццаг бавнæлдтой бордюртæ ивынмæ, æмæ сæ куыст хорз цыд, фæлæ сæ къæвдаджын боныхъæдтæ бахъыгдардтой. Бордюртæ кæронмæ æвæрд куы фæуой, афтæ арæзтадон организаци æрæвналдзæн райцентры ацы уынг сасфальт кæнынмæ.
«Дорстрой»-мæ ис фаг техникæ, кусæгдых, арæзтадон æрмæджытæ æмæ сæ куыст хъæдджынæй кæй сæххæст кæндзысты, ууыл ис зæрдæдарæн.
ГАССИТЫ Моисей.
Авторы ист къам.